Tanghra Camimpuai Chung Hakha Zu Zuar An Khap Lai: Thaizing March 11 thawk in kawlram chung tanghra an phi cang lai caah Hakha khua chung ah cozah nih tanghra caminpuai a dih hlan lo zuu zuar an khap rih lai ti a si.
Hiti zu zuar an khap ko buin a zuar mi poah cu ta-za cuai le dan tat an si lai. Tukum Hakha in tanghra a phi hnga ding hi minung 1,982 an si i nikum nak in 70 in an tam deuh. Nikum kha Hakha in minung 1912 nih an rak phi i 176(9.22%) lawng nih an rak awng.
Nikum Chinram chung tanghra phi mi dih lak 10,102 an si i 808 (8%) lawng nih an rak awng. Hakha Reporter
Chinram Election Commission Cawlcangh Hram An Thawk Cang: Tukum dongh lai November thla ah tuah ding mi rampumpi election caah Chinram tuanvo ngeitu zong khuate kip ah commission member thim nak, mee thlak nak ding hmun zoh piaknak le khua kip ah commission signboard tar nak hna an tuah thawk cang ti a si.
Election commission member ah hin ram khel lei a cawlcang mi an cohlang lo, party pakhat khat zong tanh deuh khawh a si lai lo ti a si. Atu election commission member an rian tuan nak le an hmuh ning hna report hi tuthla 17 ah pek a si lai.
Tukum election kong he pehtlai in “2010 thimnak lio ah theih dih a si cio bang, din fel lonak a rak um. Tu kum cu Free&Faire si kho ding in hi field kan tuah mi a si” tiah Township Election Commission Chairman Pu Thla Kio nih a chim.
Tutiang cazin lak ning ah cun Hakha peng chungah milu 40,000 hrawng an um i mee a thla kho ding 18+ hi 22,000 lawng an si ti a si. Hakha Reporter
*** Atang i caw-ngia hmanthlak na click ah kei phaisa ka ngah ve, zangfah tein voikhat tal ka click piak ve hram!
No comments:
Post a Comment