US Alabama State Ah Nu le Nu or Pa Le Pa Thitum Khawhnak An Phih Than: Kan hnu thla thawk in US Alabama state ah nu le nu or pa le pa thitum khawhnak (same-sex marriage) an rak onh nain a tu hi cu Alabama ah a nganbikmi biaceihzung (supreme court) nih cu thitum khawhnak certificate pek ti lo ding in bia a chah than cang tiah The Guardian nih a tial.
US Federal upadi nih same-sex marriage a onh nain a cheukhat state upadi nih cun an khamh kho ve. Alabama state upadi zongah thitumnak timi cu nu le pa kar ah tuahmi a si caah nu le nu or pa le pa cu state upadi he ai kalh mi a si. US state 50 chungah 37 lawng nih same-sex marriage an cohlang ti nak a si than cang.
Karen Hriamtlai Phu nih Palik Sakhan Kan Phomh Lai An Ti: Atu kawlram fimcawnnak lei upadi remh duh ruangah duhlonak a langter mi sianghngakchia hna an ni pumnak hi palik nih hram hram in an cheu hna i an thi dor khat a chuah hna ah cun Karen le Mon state ah a um mi kawl palik sakhan kan phomh lai tiah DKBA chuak hriamtlai Saw San Aung nih a thihphaih hna tiah 7Day News nih a tial.
Saw San Aung hi Karen hriamtlai phu pakhat a si ve mi Democratic Karen Buddhist Army(DKBA) in an thawl mi a si i a mah nih ralkap tam ngai a ngei ve hna. An nih hi cozah ralkap he zong kan hnu thla dih lei ah khan an ni kap pah leng mang.
US thinphang in Arak Tuahtu Pa 'A Sual' An Ti Cang: April, 2013 US ram Boston khuapi ah marathon an tlik cuahmah lio i bomb a rak puah tu cu US palik nih an rak tlaih cang mi Dzhokhar Tsarnaev a si tak tak cang tiah nizaan ah khan biaceihtu nih an fehter cang.
Hiti bomb an rak puahnak in minung 3 an rak thi i minung 260 zong an ni hliam hma an pu ve. Cheukhat cu an kutke tiang an tlau.
Mah bomb a rak puahtu hi a tu an tlaihmi pa le a mah a u pa an si. A u pa cu an tlaih lio hna ah a rak thi cang. A mah zong hi thihdan pek khawh a si.BBC
Hakha Ti Har Ruangah Mizapi Hmuhning: Tukar cu Hakha ti a har tuk ti a si, abik in Chin-O-Si le Khuathar sang ah hin a har khun ti a si. Hi kongah mi cheu an hmuh ning The Chinland Post nih a langhter mi chung in-
- A hlei in tangka kan dih (chungkhar paw cawmnak
a kan hnorsuan)
- Caan tampi a kan ei (a kan chuh) caah rian tamtuk
a kan thlauter
- Lungduh in ti kan i kholh kho lo (nain chatphiat cu
a tloter ngai)
- Kholh a duh tuk nain zarhkhat voikhat aa kholh
lomi zong an um
- Duhdim in rawl kan chuang kho lo
- A zatawk in zunput ti kan toih khawh lo caah har
nak tampi kan tong
- Ti har ruang ah mi tipep bongh le phelhpiak a
laar
- Ti a har ruang ah innpa, chakthlang (inncung/
tang) i hmuhthiam lonak a chuahter
- Ti har ruang ah kan thianghlim lo
Zion Khrifa Bu Nih Mirangca,Computer Le Ringawn Cawnnak An Tuah Lai: Hakha um Zion Tipil Khrifa bu hruainak in mirang caholh, computer le ringawn cawn nak cu tuthla March 9 in an thawk lai tiah The Chinland Post nih a tial.
Computer cawn man cu minung pakhat ah 25,000 a si i ringawn le mirang caholh cawn man cu minung pakhat ah 5,000 a si ve ti a si. Mah cawnnak vialte hi Zion khrifa ah department pakhat a si ve mi Learning Centre in tuah mi a si.
*** Atang i caw-ngia hmanthlak na click ah kei phaisa ka ngah ve, zangfah tein voikhat tal ka click piak ve hram!
No comments:
Post a Comment