Man U le Chelsea Cu Arsenal Nih Dybala A Cawk Khenh Hna Lai: Man U, Chelsea le Real Madrid hna nih cawk an timh len mi Argentina bawlung chuihthiam pa Paulo Dybala cu Arsenal nih a tuan khawh chung in cawk an timh cang ti a si.
Paulo Dybala hi a tu Palermo ah striker in a chuih lio a si. Arsenal nih pound 21.3 million in an cawk lai an ti.
Paulo Dybala hi mi hlen thiam nak in a lar mi a si. Defenders pawl a hlen hna ah cun an lung mit lak in a tuah tawn hna. A tu hi kum 21 lawng a si rih. Metro
Mayweather Nih 'Sungh Timi Tep Ding Ka Ready Rih Lo' A Ti: Kan hnu March 11 ah khan May 2 ah ai thong hnga ding Mayweather le Pakio cu hmaitonh i chonh biaknak le thawngzamhnak an ngei lio ah Mayweather nih 'sungh timi tep ding ka ready rih lo' a ti.
Mayweather,38, hi tutiang ah voi 47 ai thongh cang nain voikhat hmanh a sung bal rih lo. Pakio bel cu voi 57 ah teinak a hmu nain voi 5 a sung cang. An nih hi an ni thong lai tiin kum nga leng chim rel cang mi an si. Tutan an ni thongh tik zongah $250 million leng phaisa a chuak lai ti a si. BBC
Sianghngakchia Phomhtu Palik Caah $39 Million Loan An Lak Piak Hna: Kawlram palik an hman ding mawtaw le tilawng cawknak caah China pek mi loan $39 million hman ding ah March 11 ah khan kawlram parliament nih an fehter cang.
Palik nih Letpadan khua ah sianghngakchia an phomh hna hnu ni tlawmpal ah hiti parliament nih palik caah loan a lak piak rih hna mi hi mi tampi nih an soisel ngai. Hiti parliament nih an fehter lio ah hin NLD MPs pawl nih cun an doh ngai ti a si. Mah loan hi 4.5% interest pek a si lai. Irrawaddy
Ooredoo Company Nih Nikum Chungah $145.8 A Sung: Kawlram chung ah phone man fawi tein a kan hmanter tu Qatar company Ooredoo nih nikum 2014 chungah $145.8 bak a sung tiah March 10 ah khan Ooredoo nih report an chuah.
Nikum chungah Ooredoo sim card a hmangtu 2.2 million leng an si i phaisa an ngah mi dih lak hi $51.9 million a si. An hmuh mi nak in an hman mi a tam deuh ti nak a si. Ooredoo zuamcawhtu Telenor company sim card hi minung 3.4 million leng nih an hmang ve ti a si. Myanmar Times
*** Atang i caw-ngia hmanthlak na click ah kei phaisa ka ngah ve, zangfah tein voikhat tal ka click piak ve hram!
No comments:
Post a Comment