Thantlang Bochoh Lampi Zong Cozah Nih A Kauh Ve Cang Lai

Hakha Lei Lam In 

Thantlang khua chung Bochoh lampi cu khualu Hauka in khuataw sii-inn tiang 2015-2016 phaisa kum ah a tlawmbik pe 40 kau in Chin cozah nih a kauh lai tiah The Hakha Post nih a thanh.

Thantlang Khuachung Bochoh Lam

March 4  ah Thantlang peng Committee pathum komh bu hruainak in Thantlang khua chung lampi kauhnak ding kong Thantlang peng Uknak lei Vuanthawk zung ah meeting an tuah i a tlawmbik pe 40 kau, a lai in khatlei pe 20 kau veve, a lai pe 30 kataya phah ding in biachahnak an tuah ti a si.

Hi khua chung lam kauh dingmi khuami lei kap an hmuh ning kong he pehtlai in Pu Henry Siang Bik Cung nih "Thantlang khua chung lam hi a bittuk caah le cycle, motor le minung  kalnak ding ah a fawi ti lo, tih zong a nung i hliamkhuai le thihloh tiang kan tong cang. Hi lam kauh ding hi cu khuami zapi nih an duh dihmi a si ko, tuan hmanh ah kan limpiak kho hna sehlaw a thatuk hnga" tiah a chim.

Hi rian hi Chin Ramkulh cozah nih ah a dih dingmi pek ding a si i a dih ding phaisa zat cu tuanvo ngeitu nih tuak le tawlrel a si lai ti a si. The Hakha Post



*** Atang i caw-ngia hmanthlak na click ah kei phaisa ka ngah ve, zangfah tein voikhat tal ka click piak ve hram!