Yangon University (Main) ah English major in kum khatnak a kai liomi Siang Chin Tial, kum 21, nih President’s Scholarship Award timi President nih ramdang sianginn kainak caah a pekmi scholarship a hmuh tiah The Hakha Post nih a thanh.
A pa Rev. Thla Uk, Lai Baptist Church Yangon ah rian a tuanmi nih, “President’s Scholar- ship Awards caah minung 2700 leng deuh nih camipuai an phit i a voi khatnak ah minung 142 an thim hna i cu ah cun aa tel ve, atu hi kai a duhnak sianginn aa thimmi kong ah a fiang deuh rih lo” tiah a chim. Hi President’s Scholar- ship Award hi kum (50) chung rak pek ti lomi a si i atu bantuk in 2014-15 caah pek thanmi a si tiah theih a si.
Hi Scholarship a hmumi hna cu ram dang sianginn an kainak ah an herhmi cozah nih rinh dih an si lai tiah theih a si.
Atu a kai nak Yangon University hi kum tampi an rak phih hnu ah 2013(?) hnu lawng in an thawk than i tanghra ah mark sang tak tak mi lawng nih an lut kho mi a si. Subject sawh sawh(BA,BSc etc.) zong hi tanghra awn mark a sang mi lawng nih an lut kho. Major pakhat ah sianghngakchia 20(?) hranwg lawng an co hlan ti a si.
A nih hi facebook a ngei rih rua lo tiah Thingthang editor KB Thawng nih a ka chim.Tlangval pawl,a hmanthlak ka rak post kho rih lo caah ka ngai thiam hram uh,a ngah le cangka bak in ka rak chiah than te lai.
*** Atang i caw-ngia hmanthlak na click ah kei phaisa ka ngah ve, zangfah tein voikhat tal ka click piak ve hram!
No comments:
Post a Comment