IS Ralhrang Nih Boko Haram An Cohlang Cang Hna: Kan hnu zarh ah Nigeria hram bunh Boko Haram nih IS ralhrang pawl he tangti kan duh an rak ti hnu ah tuhi cu IS ralhrang zong nih an cohlang cang hna, IS ralhrang nih audio in thawng an thanh mi pakhat ah 'West Africa' tiang kan karh cang a ti.
Boko Haram hi 2009 hnu in Nigeria ram lawng si loin West Africa ram Chad, Niger le Cameroon zongah a lor ngai mi an si.West Africa ram ah cun IS ralhrang nak in an lor deuh. BBC
North Korea Nih Missile 7 A Zuan Ter Hoi: US le South Korea ralkap training an tuah mi a duh lo ruangah North Korea nih 120 miles a zuang kho mi a missile 7 leng cu tuzing March 13 ah khan a zuan ter hna tiah BBC nih a thanh.
Mah missile an thlah lio ah hin North Korea uktu Kim Jong-un zong aa tel ve an ti. South le North Korea hi Japan nih Independence a pek hna 1945 hnu in aa cheu mi an si, 1950-1953 kar fak pi in an rak i phomh bal. Tutiang hi an ni phomh hnik than leng mang, Israel le Palestine an lo!
US Texas Nih Tukum Chung Ah Minung 4 Thihdan A Pek Cang Hna: US ram Texas state nih tukum chungah minung pali thihdan an pek cang hna i a dang paruk zong an tang rih ko tiah BBC nih a tial.
Nikum 2014 chung zongah khan Texas nih minung 10 a rak thah hna. Tukum zongah minung 10 a thah rih hna lai ti nak a si.
March 11 ah mithat hmang Vasquez thihdan an pek hnu mi thahnak caah an hman mi sii zong Europe company nih an zuar ti lo caah a dih tak deng cang hna ti a si.
Sianghngakchia A Zangfak Hna Caah DKBA Nih Ralkap A Phomh Ve Hna: March 10,Letpadan khua ah palik nih sianghngak chia an phomh hna mi an duh lo caah Karen Buddhist hriamtlai phu DKBA nih March 11 ah Karen ram cozah ralkap an phomh ve hna ti a si.
Bo-hmu Saw San Aung nih kan hnu zarh zongah khan palik pawl ralrin a pek cia cang hna, 'Palik nih hram hram in sianghngakchia bu an cheu hna ah cun palik sakhan kan kah lai ' a rak ti cang mi a si. Tutan an ni kah nak ah cozah ralkap 3 an hliam hna. RFA
Obama nih 'Phone ka hmang lo. Blackberry Cu ka Ngei Rih Ko' A Ti: Nizaan ABC nih interview an tuah nak ah President Obama nih 'phone text message ka kuat bal lo, tweeter zong ka hmang bal lem lo. Blackberry phone bel cu ka ngei rih ko' a ti hna.
Obama hi security ruangah smart phone an hman ter ngam lo mi a si. A fa nu te cu smart phone an ngei i text message zong an hawi le he an ni kua, nain a nih bel cu zei hmanh tongh khawh a si lo a ti hna. The Guardian
*** Atang i caw-ngia hmanthlak na click ah kei phaisa ka ngah ve, zangfah tein voikhat tal ka click piak ve hram!
No comments:
Post a Comment