Nagaland Ah Muslim Pa Thah Ruangah India Um Chinmi Ca Zongah Tih A Nung Ngai

Kan hnu March 5 ah khan Nagaland khuapi Dimapur ah Naga nu a tlaih hrem tiin an puh i thawng an thlak mi Muslim pa Farid Khan cu Naga mipi nih thawng in ah an luh hnawh i a tak lawng in a leng ah an rak chuah pi, zoh chia tak tak in an velh hnu ah an thah beh. 

Hiti zohchia tuk in Farid Khan an thah tikah Assam um a chungkhar le India muslim pawl an thin a hung tuk. Tuhi Assam ram ah duh lo nak an langhter i Manipur le Naga lei a kal mi lam vialte an phih dih tiah The Hindu nih a tial. Naga mi he muisam ai lo mi poah caah cun tih a nung cang. Assam ram hi Delhi, Bangalore le Chennai kal tikah pal lo khawh a si lo. A tu thla lebang hi cu India bible sianginn kai mi an tlun kal caan a si tikah Chinmi bible a cawngmi caah tih a nung khun. 

Mah buainak he pehtlai in minung 18 cu an tlaih cang hna ti a si, Dimapur ah cun a leng chuah lo ding timi order an pek hna i tuzing ah cun a leng chuah khawh zong a hung si nain zaan lei 3pm ah buainak a um pah than caah aleng chuah lo ding order an pek than hna. Nagaland ah cun internet, phone cakuat nak sms ti bantuk vialte an phih chung rih. 

Kan mah Chinmi le Naga mi cu kan ni dannak a um lo caah i ralrin ngai a hau ve lai. Mah muslim pa an thah ning hrim hi a ho paoh nih cohlan khawh a si lo, an ti tuk lawmmam. 

*** Atang i caw-ngia hmanthlak na click ah kei phaisa ka ngah ve, zangfah tein voikhat tal ka click piak ve hram!