National League for Democracy (NLD) hruaitu Daw Aung San Suu Kyi le kawlram President Thein Sein cu tuni March 2 zaan lei 6:10 pm ah tonnak an ngei i minute 30 chung an mah tein an ni chon tiah Eleven Media Group nih a thanh.
A tu an ni ton lio ah zeikong dah an ceih timi hi cozah lei siseh, NLD lei zong nih thawng fianhnak an tuah rih lo, zei kong dah an ceih i zeibantuk hnatlak nak dah an ngei timi theih khawh a si rih lo.
President ai-awh biachimtu tu Minister Ye Htut nih cun tutan President Thein Sein le Aung San Suu Kyi i tonnak ah 2008 Constitution remhnak kong le tukum donghlei tuah ding mi election zong a dik fel mi thimnak a si khawh nak ding kong hna an ceih tiah a facebook timeline ah a tial. Zeibantuk set dah an ceih i hnatlaknak an ngei timi bel cu Minister Ye Htut zong nih a langhter lo.
Tutan tonnak hi Thein Sein le Aung San Suu Kyi kar a voi 6 nak a si cang. Ni kum March 9, 20014 an ni ton hnu in tuni an ni ton than hi a voikhatnak a si. Tutan tonnak ah Suu Kyi nih a mah kawlram president si khawhnak a khamhtu Pohmah 59 (f) hi ka remh piak uh a ti kho men!
*** Atang i caw-ngia hmanthlak na click ah kei phaisa ka ngah ve, zangfah tein voikhat tal ka click piak ve hram!
No comments:
Post a Comment