Hakha Tlangval Sizung A Phaktertu Kawl Mino An Thei Kho Rih Hna Lo: March 6, Hakha Pyidawtha dawr pakhat ah Hakha tlangval a velh tu kawl mino cu tu tiang an thei kho rih hna lo, Hakha palik nih bia tak tein an kawl cuahmah rih hna ti a si.
Mah kawl mino hna lakah pakhat nih a phone a tlik tak mi a um i cu ka hmanthlak he ai lo mi poah palik nih bia an hal hna. Mah hmanthlak an ngei cang caah tuan tein tlaih khawh dawh an si ko ti a si. Palik nih an tlaih khawh hna ah cun kum thum tiang thawng thlak khawh a si lai.
A velhtu kawl mino hi minung 10 leng an si lai ti a si, an velh mi Hakha tlangval pathum hi thingtan le zu thawl in an tuk hna caah si-inn an phan i a dang pathum hi inn ah an ni kuah ti a si. Hakha Reporter
Minak Pa Thahnak Kong Buainak Ruangah US Palik Bawi A Rian A Chiah: Nikum August 9 ah Ferguson, Missouri ah minak pa Michael Brown thahnak kong he pehtlai in palik pawl soisel nak a tam tuk caah Ferguson palik bawi Thomas Jackson cu a rian chiah ding bia chahnak a ngei cang.
Michael Brown hi an kah lio ah zei hriamnam hmanh aa tlai lo mi a si. Hiti zei hriamnam hmanh aa tlai lomi mi sawh sawh an thah hi minak pawl an kan nek ruangah a si an ti i minak tampi cu zarhkhat deng an duh lo nak an rak langhter bal. BBC
US Ah Thihdan Pekmi Meithal In Kah Khawhnak Upadi Ser An Timh: US ram Utah state ah mi pakhat khat thihdan (death penalty) an pek tik ah sii chunh ding a um lo ah cun meithal zong in kah khawh ding upadi thar cu nizaan March 11 ah khan Utah parliament nih an feh ter cang.
Sii chunh in thihdan an pek mi hna hi an thih a har ngai, mi cheu cu sumilam pakhat hna an rau. Cuhlei ah,mah sii hi a tlawm ngai caah cheukhat state ah cun a zatawk in an ngei tawn lo ti a si. Mah upadi hi Utah governor nih a cohlan ah cun a nung mi upadi ah ai cang lai.
Hiti meithal in thihdan pek hi ram tampi nih an doh ngai mi asi. A hlan chan lawng ah rak hmang mi a si i a tu Utah nih an hman than ah cun US ram chung state lakah Utah lawng hi mah upadi a hmang mi a si te lai. BBC
Thanglang Ah Mifir Nih Mobile Phone Dawr An Boah: Thantlang khua Lyin Mithta Phone Dawr cu March 7 zan ah mifir nih an baoh i handset zeimaw zat, phone bettary le phaisa thong nga an fir tiah The Hakha Post nih a thanh.
"Tawh pahnih kan hrenmi a si ko nain zeitindah an baoh khawh ti kan hngal lo. A chung
ah phazawngdan an vannak le counter tawh an baohnak zong a um," tiah dawr ngeitu nu nih Hakha Post ah a chim.
Kan hnu February thla chung zong ah Pu Chan Ham inn tang ah JF Handset dawr zong an rak baoh i phaisa sing hra an laak bal ti a si. The Hakha Post
Meheh Cawknak Caah Zokhuami Phaisa An Cawih Cang Hna: KhuateThanchonak Program in Hakha peng Zokhua Ohsuh ah meheh cawknak phaisa sing zakhat bawmhmi March 3 ah phaisa an chuah cang tiah The Hakha Post nih a thanh.
"Meheh hi heh 200 tal cawk ding a si. Phu li in kan i then i phu khat ah a tlawmbik heh 40 cio hrawng tal cawk ding a si. Kan phaisa nih a daih lomi cu kanmah nih kan chap lai. Meheh zong zeimaw zat cu kan cawk cang. Kan hmuhmi chung in 3% hi midang khuami caah karhter ding, 70% hi a zuatu nih i laak ding a si", tiah meheh zuatu ding phu ah aa tel vemi pakhat nih The Hakha Post sin ah a chim.
*** Atang i caw-ngia hmanthlak na click ah kei phaisa ka ngah ve, zangfah tein voikhat tal ka click piak ve hram!
No comments:
Post a Comment