Kan hnu February thla khat chung ah US nih rian 295,000 bak a ser khawh caah US ram chung um milu 5.5% (Unemployment rate) lawng hi rian ngei lo an si cang tiah BBC nih a thanh.
A luan cia thla 12 chung ah US nih pehzulh tein thlakhat ah a tlawm bik rian thar 200,000 leng cu a ser kho peng. Hihi 1994 hnu in US nih thla 12 chungah rian tam bik a ser khawh a si.Tu thla US ram chung rian thar a karh nak bik cu construction, ngandam nak lei zohkhenhnak le transportation hna an si.
Hiti rian tam deuh a ser khawh caah US economy zong a van thawng deuh ve i an phaisa dollar thazang zong a hung kai deuh ve. US hi a luancia 2008 vawleicung sipuazi tlaknak (2008 recession) nih a rak den ve caah 2010 lebang ah khan cun a sipuazi GDP -2% (minus 2%) lei tiang a rak tum nain 2013 hnu ah thazang a hung ngeih deuh than, 2014 ah US GDP 2.4% tiang a rak kai ve.
US ram chung rian ngei lo rate(unemployment rate) hi 2009 ah cun 10% tiang a rak phan nain a tu hi cu 5.5% tiang a zor ter khawh. Ram pakhat chungah rian ngei lo rate a niam ah cun cu ram cu a thangcho tinak a si. Atu China unemployment rate khi 4.13% a si i UK hi 5.8% a si ve.
*** Atang i caw-ngia hmanthlak na click ah kei phaisa ka ngah ve, zangfah tein voikhat tal ka click piak ve hram!
No comments:
Post a Comment