US Mual A Pho Ter Tu Julian Assange Cu Sweden Nih A Rat Hnawh Cang Lai

US cozah lawng si loin vawlei cung cozah le organization an thil tuah a tha lo mi poah a phuang chuak tu Wikileaks co-founder Julian Assange cu Sweden nu a tlai hrem hna an ti i Sweden ah kuat a duh lo caah a tu a um nak Ecuador Embassy, London ah Sweden lei in biahal ding le a DNA lak dingah an ra cang lai tiah The Guardian nih a thanh.

2010 ah khan Sweden nu pahnih a tlaihrem hna hna an ti caah Assange cu Sweden nih a biaceih an timh i UK cozah nih inn-thawng an thlak. Sweden nih Julian Assange cu Sweden ah kuat ding in UK cozah a rak hal len nain Julian Assange nih US ah kuat lai a tih caah Ecuador Embassy ah asylum a sawk i tutiang Ecuador Embassy ah a um peng rih ko. 

Anih hi 2010 ah US ralkap nih Iraq ral an tuk lio ah helicopter cung in mi sawh sawh 18 an kah hna lio video a phawt zamh hnu in US nih ralhrang terrorist bantuk in a tih mi a si. Hiti cozah thil tha lo a tuahmi an tial nak Wikileak hi 2006 ah an rak thawk, rian tuan tu hi computer a thiam tak tak mi lawng te an si hna. Australia chuak Julian Assange lebang hi cu computer code fir a thiam tuk mi a si,hacker kan ti lai cu! Midang computer a hack ruangah dollar tam tak an rak liam ter cang mi a si. Kawl ralkap thil tha lo an tuah mi tam pi zong a phuang tu a si. 

Julian Assange hi Joe Biden nih cun 'terrorist' a timi a si. Brazil president le Russia president hna nih cun an uar ngai. A nih hi US an kuat sual ah cun thihdan hmanh pek khawh ding dirhmun a si. Tuhi kum 43 a si cang. 



*** Atang i caw-ngia hmanthlak na click ah kei phaisa ka ngah ve, zangfah tein voikhat tal ka click piak ve hram!