Pi Suu Kyi le President Thein Sein cu nikum lei ah an rak i tong bal cang, nain Gen. Min Aung Hlaing he cun an ni tong bal rih lo. Pi Suu Kyi nih hi hna pahnih he i ton ding a rak hal nak a sau cang, an rak cohlang bal lo. Nikum dongah lai zongah khan Parliament nih Six-party talks(Thein Sein,Suu Kyi, Min Aung Hlaing le Hluttaw pahnih lutlai le tlangcungmi ai-awh tu) an rak feh ter nain Thein Sein le Min Aung Hlaing nih an rak cohlang lo.
Tutan ruah lo piin hi ti tonnak a um hi ruah chan nak zong a tam ngai. 2008 constitution remhnak kong deuh ceih dawh an si. 2008 constitution an remh lo ah cun Pu Suu Kyi kawlram president a si kho lai lo ding a si.
Fim Cawnnak Upadi kongah Kawlram Sianghngakchia An Buai Than Lai: Kan hnu Feb 14 ah cozah le sianghngakchia kar hnatlaknak cu cozah lei nih an buar cang an ti caah sianghngakchia tampi cu kawlram fim cawnnak upadi remh ding in thaizing March 2 ah an au than cang lai tiah BBC nih a tial.
Kawlram chung sianghngakchia hna nih fim cawnnak lei upadi an duh lo ruangah sau ngai lam an rak zawh hnu in Feb 14 ah khan cozah lei he an ni chon i an halmi vialte cozah nih a pek dih hna nain Parliament nih a fehter hlan ah cozah newspaper ah 'cozah le sianghngakchia nih hnatlakpi mi upadi ' ti si loin 'sianghngakchia nih an chuahpi mi upadi' tiin an tar caah hihi Feb 14 lio hnatlaknak cozah nih an buar a si an ti.
A tu an remh rih lomi kawlram fim cawnnak upadi ningah cun sianghngakchia nih 'students' Union' tibantuk zong tuah khawh a si lo, University pawl zong mah tein nawlngeihnak autonomy an ngeimi a tlawm tuk ti a si.
IS Ralhrang Pawl nih Khrifa 19 An Luat Ter Than Hna: Kan hnu Feb 23 ah khan Syria ram ah khrifa mi 220 leng IS ralhrang pawl nih an rak tlaih hna, hi 220 chung in 19 cu IS nih a luat ter than hna i dam tein an umnak khrifa bu zong tuni March 1 ah an rak phan cang tiah BBC nih a tial.
Hiti an luatter hna ding caah phaisa tam ngai an pek hna. A luatmi lakah minung 16 hi pa an si, 3 hi nu an si. An za tein kum 50 cung deuh an si ti a si.
Congress ah Biachim Ding Israel Prime Minister US a Phan Cang: Thaizing kip March 3,US Congress ah Iran nuclear kong bia chim tu ding Israel Prime Minister Netanyahu cu tuni March 1 ah US a rak phan cang tiah BBC nih a thanh.
Tutan a rat ah hin Obama,Joe Biden le Democrats pawl nih kan tong lai lo an ti cang. Aruang cu Obama nih Iran nuclear chiahter a timh ning policy hi Netanyahu nih a doh ngai caah a si. Obama nih a nemnak in Iran nuclear hriamnam chiahter a timh nain Netanyahu le Republican nih cun a hrang nak in(a cian-nii in) chiahter an duh ve. Tutan Netanyahu a rat zong hi Republican nih an sawm mi a si.
Premier League Thawngpang: Tuni March 1 ah Premier League cu Man City Vs Liverpool, Arsenal Vs Everton tiin an chuih i Liverpool le Arsenal nih teinak an hmuh. Liverpool cu Premier League mark sang bik 5 nak ah a kai i Arsenal zong 3 nak ah a kai ve.
Primier League Top 5 hna cu_
(1) Chelsea
(2) Man City
(3) Arsenal
(4) Man United
(5) Liverpool
*** Atang i caw-ngia hmanthlak na click ah kei phaisa ka ngah ve, zangfah tein voikhat tal ka click piak ve hram!
No comments:
Post a Comment