Thein Sein cozah a kai hnu 2011 in a dang hriamtlai phu cu kahdaihnak min an thut cio lio ah kawl ralkap he biatak tein aa rak phomh mi KIO/A cu tuthla March 12-13 ah kawlram President Thein Sein le ralkap lutlai Gen. Min Aung Hlaing he tonnak an ngei lai tiah RFA nih a phuan.
Tutan tonnak ah KIO lei in Gen. Gun Maw telh in hruaitu 20 hrawng an kal kho lai ti a si. Hiti KIO hruaitu le cozah lei lutlai i tonnak hi an rak tuah bal rih lo, a tuhi a voikhatnak a si lai. Gen. Min Aung Hlaing le Thein Sein nih hin a dang hriamtlai phu hruaitu cu a dang tein an tong bal lem hna lo, Karen hriamtlai phu KNU hruaitu bel hi a tu le tu in an ton leng mang hna.
KIA hi Ne Win uknak a lak hlan 1961 ah an rak dirh i 'Indepedence' caah ral an rak tho. 1994 ah cozah he kahdaihnak min an rak thut i 2011 in ah an ni kap than. A tu zong hi a dang hriamtlai phu cu an mah pum tein cozah he kahdaihnak min an thut pah dih nain KIO cu a thu duh bak rih lo.
A tu President Thein Sein le Gen. Min Aung Hlaing an ton hna hnu in KIO hruaitu cu March 16 ah tuah ding mi NCCT le UPWC tonnak ah an kal beh lai ti a si. Tutan tonnak cu kawlram chung kahdaihnak a len khawh ding caah ruah channak a um ngai ko.
*** Atang i caw-ngia hmanthlak na click ah kei phaisa ka ngah ve, zangfah tein voikhat tal ka click piak ve hram!
No comments:
Post a Comment