Chinmi 103 Chungah 38 Nih Ramdangmi Thit Vat A Poi Lo An Ti Cang: Catial tu nih hika blog ah ramdang mi thit vat kong he pehlai in carel tu ruahnak a lak i ni 14 chungah minung 103 nih vote an pek,minung 64 nih 'No' an ti nain minung 38 nih 'yes' an ti cang.
Catialtu nih a hal mi cu 'Na duh tak tak mi ramdangmi thit vat hi a poi na ti maw' ti a si i vote pek nak ah 'a poi tuk' timi le 'a poi tuk lem lo' thim an si. Minung pakhat nih voikhat nak tam vote khawh lo ding in chiah a si. Chinmi hi khua za kip ah kan cul i ramdang mi he kan ni cawh tuk tikah kan lungthin le kan ruahnak theih khawh nak caah hi ruahnak laknak poll hi tuah a si.
US Dallas ah Muslim Pa An Thah Rih Caah Muslim Thinphang In An Um: Kan hnu February thla chungah US ram North Carolina ah muslim sianghngakchia pathum an rak thah hna, March 4 Dallas ah muslim pa pakhat an thah rih hoi caah US um muslim pawl cu an thin zong phang i an lung zong a rawk ngai ti a si.
A tu Dallas ah muslim pa a thattu hi a ho dah a si ti mi an thei rih lo, palik nih an kawl cuahmah hna. Muslim community zong nih mah mithattu a kawl tu caah $7,000 an bawmh ve hna. BBC
UN Cungah Australia A Ai Puang: Afghanistan, Sri Lanka, Iraq le Iran mi tam ngai hi tilawng in phung ning loin Australia an lut leng mang, mah ti a lut mi pawl hi Australia cozah nih tha tein a zoh khenh hna lo tiah UN nih Australia cozah an mawtchiat tikah Australia Prime Minister Tony Abbott a ai puang i a zai len.
Phung ning loin tilawng in Australia luh a rak timh tu hna hi rili cungah thih lohnak an tong lengmang. Hiti rili cung thihlohnak a um ti lo nak hnga caah tilawng in Australia a rak lut mi poah poah cozah nih thawng a thlak hna. Hiti i dornak a rak kawl tu hna cozah nih thawng a thlak hna hi a phung a si lo tiin UN nih an mawtchiatnak a si. BBC
French Lentecelh Thiam Minthang Pathum Helicopter Nih A Thah Hna: Nizaan March 9 zaan lei Argentina ram ah French mi 8 nih an ni cit mi helicopter a tla i a mawngtu Argentina 2 le French mi 8 an thi,cu chungah France ram lentecelh thiam minthang (sports stars) pathum zong an ni tel ti a si.
A thi mi lakah pa 2 hna hi Olympics zongah medal a ngah mi an si i a dang pakhat zong hi tilawng mawngh a thiam tuk mi a si ti a si. The Guardian
Letpadan Ah Sianghngakchia le Palik An Ni Phomh Cang: Kawlram chung fim cawnnak upadi duh lo ruangah kan hnu January thla in sianghngakchia tam pi cu Mandalay in Rangon tiang lam zawh an rak i timh i lam lai Letpadan khua ah zarh khat leng palik nih an kham hna hnu in tuni March 10 ah cun an ni phomh tak tak cang ko.
Palik nih fung le an kut ke in an phomh hna caah a hliam mi zong an um i ambulance pahnih khat lak in an kal pi hna. Hiti Letpadan ah an buai bang in Rangon khua zong ah an buai len rih hoi, Hledan pawng i Pyi Road an khar caah palik nih an thuat rih hna. Hika hmun ah thawngpang la tu reporter zong palik nih an tuk len hna ti a si. Irrawaddy, Eleven Media,BBC
*** Atang i caw-ngia hmanthlak na click ah kei phaisa ka ngah ve, zangfah tein voikhat tal ka click piak ve hram!
Na catial tete an tha tuk kan I lawn rian na kan fial mi te bel hi kan click I an web a rak chuah khi a zaa ko lo ma wed a van chuah dih khin ka back colh ko I san tlai lo hna si sual lai ma ti phan bia mu
ReplyDeleteNa catial tete an tha tuk kan I lawn rian na kan fial mi te bel hi kan click I an web a rak chuah khi a zaa ko lo ma wed a van chuah dih khin ka back colh ko I san tlai lo hna si sual lai ma ti phan bia mu
ReplyDelete