Kawlram chung music lei in a thiam hlei laksawng peknak cu Myanmar Music Awards hruainak in nizaan Feb 20, Rangon khua ah hlunghlai tak in tuah a si i kan mah Chinmi Salai Za Lian nih 'Lifetime Achievement Award' timi laksawng a ngah ve.
Salai Za Lian hi a mah chan ah cun guitar tum lei in kawlram chung a rak lar mi a si. Abik in bass tum a thiam. A tu laksawng a lak ah hin a tar tuk cang ko nain 'ka zuam rih ko lai' a ti ko. Guitar a duhning hrim hi upat tlak tuk a si. Chinmi hmai hngalter tu pakhat a si.
Amah kong fiang deuh in theih a duh mi nih hika Salai Za Lian Interview ah zoh khawh a si lai.
'Myanmar Music Awards' hi kum fatin kawlram chung music lei a thiam hlei mi laksawng a pe tu phu a si. Tutan laksawng peknak an tuah mi zong hi LIVE in MRTV-4, For Tune, 4-HD High Definition tiangah thlah dih a si i minung ting tam pi nih zoh a si. Cheukhat nih cun kawlram chung actor/actress thiam bik thimnak 'academy pek puai nak in a sunglawi deuh' an ti theu.
"Ka Zuam Rih Lai": Nizan Myanmar Music Award (MMA) cu Myanmar Event Park ah tuah a si i Salai Za Lian mipi khuaruahhar in a chiah ko hna. Biatlang pakhat a chimmi nih mipi cu a hlauter dih ko hna. Chairperson pa nih Sayaci Za Lian nih lawmhnak bia a kan chimpiak lai a van ti i, Salai Za Lian nih a thawh i, ka lawm tuk, hi hnu zong ah fak piin "Ka Zuam Rih Lai" tiah a ti (Big Applause from Congregation). Hitluk kum upat hna ah "Ka Zuam Rih Lai" a timi nih ruah awk tampi a kan pek tiah chairperson nih comment a tuah colh. "Big Applause" from Mipi. Zohchunhtlak a si tiah comment a tuahchap (Big Applause).
ReplyDelete