Tutan Indiana Lai Paih Bualco Tu A Khua Kongah Biaalnak A Chuak: Feb 14,Indiana khua ah tuahmi Lai paih bualco tu kong fianternak ah catialtu nih Zephai a si a ti caah micheu nih an cohlang kho lo, Hniar Lawn ah a thangmi a si caah Hniar Lawn a si an ti ve.
Hiti biaalnak hi Lai mino tam bik an umnak facebook group Miepi ah a chuak. Micheu nih Mang Cung Lian a pa cu Zephai a si caah Zephai ti awk a si an ti,a dang phu bel nih a nu Hniar Lawn a si hlei ah Hniar Lawn ah a thangmi a si i amah pumpak zong nih Hniar Lawn ka si a ti ko lai,Zephai pa hei ti uh law aa thei lai lo a timi zong an um ve. Cuti bia-alnak a chuah tikah Miepi group a zohkhenh tu Salai Ngun nih catial tu sin ah a ca thlah mi tiang hlonh ding in a hal.
Salai Mang Cung Lian a pa hi Zephai khuami tleicia Mang Hram a si i a pa a thih hnu ah a nu khua a si mi Hniar Lawn ah a thangmi a si.
Tukum Tanghra Question Paper Cu Ram Pumpuluk Ai Khat Dih Lai: Kawlram tanghra question paper hi kum dangah cun hmunkhat le hmun khat ai dang cio. Rangon Taing an phit mi paper le Chin State an phit mi ai lo tawn loh, State le division kip ai dang cio hna. Nain,tukum cu ram pumpuluk tanghra a phi mi vialte nih question paper pakhat lawng an phi lai ti a si.
Tukum tanghra caminpuai cu a ralaimi March 11 in an thawk lai i March 20 ah dih a si lai tiah Democracy Today nih a tial. The Hakha Post.
No comments:
Post a Comment