Phungki Pa Nih Falam Sianginn Ah Buddhist Biaknak Kong A Cawnpiak Hna: Kan hnu Feb 14-15 ah Falam BEHS (1) sianghngakchia pawl cu phungki missionary pa nih sianginn ah a pumh hna i Buddhist biaknak kong a cawnpiak hna hlei ah rawl zong an dangh hna tiah The Hakha Post nih a tial.
Hi phungki hna hi Mongwa in Chinram ah an rak thlah mi missionary phu an si. An nih an hmuitinh cu Chinram ah Buddhist biaknak karh ter le thawn ter chin hi a si ti a si.
Hakha Si-zung OG Ward Ah Aherhmi Thilri An Bawmh Hna:Hakha sii-inn OG ward ah thilri a herhmi tete khuami le siibawite nih an an bawmh hna tiah OG ward Sister Sun Zi nih The Hakha Post sin ah a chim.
An bawmh mi hna cu thlalang-awng zaar, trolly, tuang-phah, tilum le tikik chuahnak, kedan chiahnak hrawl, thutdan ti bantuk hi an OG Siibawi Nuam Sung nih a damh piak hna. Cun Pu Thawng Kian nih thilsuknak seh, Pu Thla Bik nih settee thutdan le cabuai, Pu Ram Cung nih cabuai, Van Tin Lian le Ngun Tha Iang te nupa le UNDP nih cabuai, mizaw operation tuahmi hna nih ward chung cataarnak le thlalang awng puanzaar thilthitnak hna an liampiak hna ti a si.
Chinram Ah Thawngzamhca A Lak In An Phurh Piak Cang Hna: Chinram ah Thawngzamh ca le Journals paoh caan hmaan tein an rel khawh nakding ah Tedim, Tonzaang, Cikha, Falam ah a tlimi Kalay motor gate hna nih phurh man la lo tein an phurh piak hna. Gate cazi, motor mawngtu, motor zultu, Gate lutlai hna nih zawnruahnak in an tuanpiakmi hna a si, tiah 7Day nih a tial. Hakha peng le Thantlang peng caah kuatmi Thawngzamh ca le Journals pawl cu Mandalay, Gangaw, Hakha-Thantlang a tlimi motor pawl kha kuat an si. The Hakha Post.
US Lower House Nih DHS Budget Chitkhat Caah An Feh Ter Kho: Obama nih DHS caah budget a suaimi cu Republican nih an fehter duh lo caah nizaan 12am ah a thi ding a si nain kaphnih lei nih an lung a tha lo caah zarhkhat ca budget cu zaan 10 pm ah an fehter than tiah BBC nih a tial.
Hi zarhkhat chungah kumkhat chung DHS nih a hman ding budget kong an ceih than te lai. Obama nih a suaimi budget $40 billion hi phung ning loin US ramchung a um mi 4 million leng phung ning tein riantuan ter khawh nak hna ai tel caah Republican lei nih an duh lo, mah phungning loin a um mi hna hi kuat than(deport) ding a si an ti ve.
Kan hnu November thla election hnu in Republican nih US Congress(Upper House + Lower House) an control cang caah Obama a duh ning in ai cawl kho ti hrim lo. A veto power lawng hi ai bochan ko cang!
*** Atang i caw-ngia hmanthlak na click ah kei phaisa ka ngah ve, zangfah tein voikhat tal ka click piak ve hram!
No comments:
Post a Comment