Hakha CND Paih Bualcotu Tluang Lian Thang Kum Vui US Nih An Cah Lai

Tutan Hakha ah an tuahmi Chin National Day paih zuamnak ah Hakha khuathar sang um Tluang Lian Thang nih bual a co i hmaikum US Indiana ah tuah hnga ding mi Chin National Day tik ah North America Paih Committee nih an cah lai tiah The Hakha Post nih a tial.

Tutan Hakha paih zuamnak ah bual a co mi cu US lei nih an cah lai ti a si caah aa pai mi zong an i biatak ngai i kum dang bantuk in u le nau, sangkhat ti bantuk zong i kianh a um ti lo, a zohtu zong kum dang nak in an tam deuh ngai ti a si. 

Zatlang paih ah minung tambik a tei tu cu Hakha khuathar thiam thiam in Van Ram Or a si i minung 24 a tei ve hna.