Thawngpang Bultan (Feb 26)

Thein Sein Nih Art&Science College le Education College A Kan Pek: Kan hnu Feb 20 CND a rak hmang ve mi President Thein Sein nih Hakha ah Art&Science College, Education College le Hakha GTC(College) timi GTU(University) ah thlen ding tiah Hakha khuanu khua pa nih an halmi cu a tu tan a rat ah a kan pek cang tiah The Hakha Post nih a tial. 

Art&Science college le Education college hi Artlangzau hmun,education college sianghngakchia training kai nak caah a tu siizung chak tlang bo rawn kha an zoh ti a si.Zeitik in dah an sak thawk lai ti cu an langhter lo!

Hakha Le Falam Pengah Digital TV zoh Kawh A Si Cang:Tuthla Feb 20 thawk in Chinram ah digital system in channel 14 zoh khawh a si cang tiah The Hakha Post nih a tial. 

A ngah mi channel hna cu MRTV, MRT-4, Channel 7, NRC(tlangcungmi kong), For EDU(sianghnkachia caah), Reader, Farmer le Hluttaw channel tibantuk an si ti a si. 
Mah digital channel tlaih khawh ding caah UHF Antenna le Set top box ngeih a ho lai,hi hna hi Hakha pyidawtha ah cawk khawh a si. 

Hi digital channel hi Hakha pengah cun a ngah dih nain Thantlang peng bel ah cun Hriphi khuahlun lawng in a tlaih khawh ti a si. 

2015 Chinram Election Kilvennak Caah Palik Training An Tuah Cang: Tukum dongh lei Chinram ah election tlamtling tein tuah khawhnak caah humhimnak lei tuanvo ngeitu ding Chinram palik cu Feb 23 -Feb 27 tiang training an kai tiah The Hakha Post nih a tial.

Kan hnu Feb 23 ah khan Hakha khua Ye Zarni Hall ah training honnak zong an tuah i palek lutlai, election commission chairman le tuanvo ngei tu zong an kai kho ti a si. 

Hi training kong he pehtlai in Chinram kulh election commission chairman Sayaci Lian Uk nih “Thimnak tluangte in a tlamtlin khawh nakding ah a biapi tuk mi ah aa telmi palek nih hi bantuk in kilven humhimnak training an tuahmi hi thil tha tuk a si. 2015 thimnak tlamtlin nakding ah thazaang nganpi a si telai” tiah a chim.'

Leitak Nih Khuathar Dawh An Tuah Khawh Cang: Leitak hi khuathuam ah an ni then nain a tu hi cu khuakhat ah i fonh ding an hna tla caah khuathar pakhat an ser i Chinram Chief Minister Hung Ngai zong nih Feb 23 ah a va zoh piak hna i sia,caw le vok zong an thah piak tiah The Hakha Post nih a tial.

Hiti khuathum i fonh than ding timtuahnak hi 2011 in committee rak dirh a si i 2012 Feb ah lam le certual chunh a rak si. Nikum 2014 thal ah dinti lak, inn hmun chunh le i thial thawk a si i October thla le December kar ah a biapi in i thial a si. Atu hi cu inn 83 an ni thial cang ti a si. 

Hiti khuathar saknak caah tiin ramdang um Leitak tefa hna nih Kyat ting thawng hnih leng dih in an tuah mi a si. Mah khuathar ah hin Leitak khua (Zipi,Khuahlun le Khuathar) lawng si loin Leitak ram ah a um ve mi Hmawngtlang zong i fonh ve ding ah timh a si. 

Hiti khuathar dawh an ser khawhnak he pehtlai in Vuanci Van Thawng nih 'Nihin thawk in Leitak zohchuntlak khua ti nan si cang' tiin a chim ti a si. 

Quote of The Day: Ummmmm Laimi ka si Lai phun ka tanh kan ti nain CNA ,Miphun caah nunnak pek in rian tuan mi caah kumkhat ($150 ) pek kan siang lo . Kan kaa deuh lawng in asi ko hih. By Azing Chuntei(Niizaan Interview ka tuah mi). 


Note:Leitak khuathar kong ah ka fian lo nak a um pah, The Hakha Post nih khuathum a ti nain Dr. Luke Sui Kung a chim mi ah 'Leitak ramchung khuali' a ti than. Ka palh ah cun raka theithiam hram uh!   


*** Atang i caw-ngia hmanthlak na click ah kei phaisa ka ngah ve, voikhat tal ka click piak ve hram!