Pu Thein Sein Chin National Day A Hmang Ve Lai: Aralaimi Feb 20, Hakha khuapi ah tuah dingmi avoi 67nak Chin Miphun Ni cu kawlram president nih a hman pi ve hna lai tiah The Chinland Post nih a tial.“Tukum Hakha Chin Miphun puai hman ah President Thein Sein nih ka ra lai tiah thawng a kan thanh cang. President a rat ahcun ramkomh cozah lutlai tampi zong nih an rak zulh hrimhrim lai ti zumhnak kan ngei” tiah Dr. Ba Maung nih The Chinland Post ah a chim.
Tutan a rat tikah Hakha ma-ha-dat-aa-line zungthen, sii-inn operation inn sakmi le sii-inn pi caah CT scan bawmhnak pekmi hunnak a tuah lai lai ti a si. Hakha an phak tik zongah khuanu khuapa nih zaan riah dangh ding timh tuahnak zong an ngei. Cun,tutan Hakha tuah ding mi CND ah cun puai tuahnak Vomthu Maung certual chung zuu zuar khap a si lai ti a si.
CND hi Vomthu Maung hruainak in Chin Council cozah nih Oct9,1950 ah an rak fehter i Feb 20,1951 Mindat ah avoikhatnak an rak tuah,Prime Minister U Nu zong nih a rak tel pi hna. Nain,Pu Zahre Lian hruaimi cozah thar an kai hnu July,1956 ah an rak hrawh than. Kumthum chung a rak thi nain Pu Ro Thang thawng in November 12,1958 ah Chin cozah nih an rak nun ter than i Feb 20,1959 Rangon khua ah hlunghlai ngai in an rak tuah than mi a si.
Laitlang Lei A Tlawng Mi Nih I Ralrin Awk A Um: Ramdang in laitlang lei a tlawngmi nih kawlram immigration(lah-wah-kah) sinah i thumhnak/riahnak hmunhma theihter a ho i theihter lo ah cun a phung ning in dantat khawh a si tiah Chinram Immigration zung nih The Chinland post ah an chim. Hotel ah i thumh ah cun hotel nawl ngeihtu nih Immigration ah thawngthanh ding,mah le chungkhat or zung hna ah an tlun zongah zung or chungkhar nih theihter a ho ti a si.
Chin ramkulh Lah-Wah-Kah zung in record an ngeihning ah kum 2011 April thla in 2014 March thla dongh tiang ah Chinram ah ramdangmi minung 2013 hrawng an ra ti a si.
CNF Nih A Halmi Chin Cozah Nih A Pe Duh Lo: CNF hruainak in Hakha ah democracy le federal kong cawnpiaknak Feb 5-7 kar tuah an timh nain Chin cozah nih 'Training nan tuahnak ah ramkhel kong le ramkhel party kong nan ceihti caah nawl kan in onh hna lo' an ti tiah The Chinland Post sin in thawng theih a si.
CNF nih an hal than hna nain Dr. Lian Hmung Sakhong cawnpiaktu si ding hi an cohlang lo hlei ah 2015 election dih hlan cu zeibantuk training hmanh pek lo ding in Chief Minister Hung Ngai nih a chim ti a si. CNF le cozah kar ceasefire hnatlaknak ah zalong tein mipi he i chonh biak khawhnak zong ai tel nain a tu bantuk in cozah lei an lungput zoh tikah lung a rawk pah ko!
No comments:
Post a Comment