Chungte a thawn ning hi cu khuaruah har a si ti leng in chim a har ngai ko. Bible chung kan hmuhmi mithawng Samson bantuk bak a si.Samson bantuk in a sam zong a sau ngai ve, a sam ai tan caan le a sam mei ah a peih caan poah ah nithum chung hna a zaw bantuk in kai kuah ee a ti,Samson zong kha a san ai tan hnu in a tha a dih tiin Bible nih a kan cawnpiak.
Chungte hi Laimi sit te a si, Mizoram khua pakhat a si mi Thalthlang ah a nupi le a fa le pa nga he khua a sa mi an si. Mizoram chung thawn i zuamnak 2007 ah ai rak tel i pakhat nak a ngah hnu in ai zuam cawh ngam tu(singkhaw-tu) an um ti lo ti a si.
Tutan Hakha CND zongah a thawnnak a piahpiak hna, facang tun hnih bak a liang ah ai khinh hnu in a dang tun khat a ha in a cawi khawh rih. Thi hri ngan ngai mi zong nylon hri bantuk in a ngerh viar ko. Kan mah pawl nih nam in heh tiah kan kheh mi ung-ti thei zong a kut bak in a kheh khawh. Khuaruah har bik a si mi cu ti a khat ko mi bel ngan pi zong a ha bak in a cawi khawh. A mak law law!
Pathian a tih zah tuk hoi, bia a chim poah ah 'Pathian thawng in' timi a philh bal lo. Hiti hmuhsaknak a tuahnak in a hmuh mi phaisa zong ngaktah le sifak a bawm tawn hna ti a si rih. Pathian nih a hman mi hrim a si.!. A video rak zoh ve hmanh uh.
No comments:
Post a Comment