Kokang le Kawl ralkap I Kahnak Kongah China A Holh Ve Cang: Nizaan nikhatni in ai thawk mi kawl ralkap le Kokang hriamtlai phu hna i kahnak ruangah Kokang mipi tampi cu ramri lonh in China ram ah i dawr nak an kawl cio.China nih hi kongah an lung a that lonak a langhter hlei ah kawlram cozah lei zongnih remnak le kahdaihnak ser ding in a fial hna tiah Reuters nih a tial.
Kokang hi 1989 hlan cu China cozah nih a rak bawmh mi Communist Party of Burma kuttang ah a rak um mi a si i 1989 ah kahdaihnak min an rak thut. Kokang ram ah a um mi 90% hi Chinese Han miphun an si. Wa le Mongla ram bantuk in Chinese thil deuh an hmang. Kawl ralkap nih a tuk hna poah ah China ai thlak colh leng mang. Wa lebang cu nikum lei ah khan raltuknak helicopter tiang a bawmh ti a si.
Delhi Election Nih Rampi Cozah Sertu BJP Hmai A Sen Ter: 2015 Delhi election cu Feb 7 ah khan an tuah i tuni Feb 10 ah result a chuak. Thutnak 70 i cuh a si. Arwind Kejriwal hruaimi Aam Aadmi Party (AAP) nih 67 bak an hmuh, Prime minister Modi hruaimi BJP nih thutnak 3 long a hmu ve. Cucaah, AAP nih cozah a ser cang lai tinak a si. AAP hi ziknawh eihmuarnak a doh ngaimi (anti-corruption party) tiin theih an si. Hiti Delhi election ah 90% bak in an sungh cu Modi hruaimi rampi cozah sertu BJP caah lung rawk ngai a si.BBC,The Times of India
IS Nih An Tlaihmi US Nu A Thi Cang: IS terrorist pawl nih an tlaihmi US nu Kayla Mueller cu a thi tak cang tiah US cozah nih tuni an fehter. Mueller hi kan hnuzarh i Jordan nih vanlawng in IS terrorist pawl a phomh hna lio ah a thi tiah IS lei nih an chim nain US cozah le a chungkhar nih an zum lo. Biatak tein an kherhhlai hnu ah tuni lawng hi thawngpang an fehter a si.
Mueller hi Syria ram ral ruangah a harsa mi bawmhnak rian a tuan lio 2013 ah an tlaih mi a si. Nikum 2014 ah khan a chungkhar ca a rak kuat bal hna.A cakuat zong tuni ah langhter chih a si.
No comments:
Post a Comment