US Ah Nu le Nu or Pa le Pa Ithitum A Tam Chin Leng Mang: US ram Alabama state zong ah nu le nu or pa le pa i thitum khawhnak (same-sex marriage) nawl an pek cang hna. A tu Alabama nih same-sex marriage a cohlang hnu cun US state 37 chungah phung ning tein same sex marriage tuah khawh a si cang ti nak a si. Adang state 13 bel ah cun cohlan a si rih lo.
Laimi tam ngai kan um nak Michigan,Ohio,Texas tibantuk ah cun same-sex marriage hi an cohlang(legal) rih lo. Maryland, New York, District Columbia tibantuk ah cun an cohlan nak a sau cang. Same-sex marriage hi US rampi cozah nih a cohlang ko nain state pakhat cio nih onh lonak nawl an ngei cio. Same-sex marriage hi vawleicung ram 17 nih a cohlang cang mi a si. The Guardian,USA Today,BBC
Grammy Laksawng Pali Ngahtu Sam Smith A DL Hi Nu or Pa: US le UK lawng si loin Vawleicung music industry nih an cawglawmh i an sunsak mi Grammy laksawng peknak cu Feb 8, Los Angeles ah an tuah i British hlasak&hlaphuah thiam Sam Smith nih laksawng paruk chungah pali bak a hmuh.
Tutan laksawng a hmuhnak hla hi 'stay with me' ti a si hi hla a phuah hnawhmi minung a um, cucu a darling thing(ex-boyfriend) Jonathan Zeizel a si. 'Stay with Me' timi hla hi a darling pa nih a lung a rak khuai nak in a phuah mi a si. 'Ka lung na rak ka khuai caah hi Grammy laksawng ka hmuh khawhnak a si,kaa lawm tuk' tiin nizaan laksawng a lak lio mipi hmai ah a chim. BBC,The Telegraph.
KNU Lawng In Min Kan Thu Lai Lo: KNU nih aralaimi Feb 12 Union Day ah min thut lo ding in bia an chah cang hlei ah an mah long in kahdaihnak min thut lo ding in Lay-wah ah nithum chung KNU hruaitu an ni ton hnu in bia khiahnak an ngei cang tiah Irrawaddy nih a tial.
KNU le cozah kar i chonhnak cu Feb. 12 hnu lawng ah thawk than khawh a si lai tiah KNU joint secretary Mahn Mahnn nih a chim chih. KNU hi UNFC member in nikum ah an chuak cang, NCCT bel ah cun an um rih nain an mah tein President Thein Sein le Gen. Min Aung Hlaing zong an ton leng mang. Cheukhat nih cun an mah lawng in kahdaihnak min an thu men lai tiah an puh hna.
Karen hi Independent state ngah dingah kawlram Independence hlan in an rak cawlcang cang.Aung San-Atlee agreement an rak cohlan khawh lo hlei ah 1947 constitution zong an lung a tling lo caah ral an rak tho i 1949 ah U Nu cozah hmanh an rak lak deng, Chin riffles nih U Nu cozah rak bawmh hlah sehlaw an rak lak cang lai(Hi ruangah Chinmi nih kawlram kan khamh tiin i pawrhlawt ngam a si lo,kan ral tu kan rak bawmh i kan hawi tu kan rak thah a si). 1947 constitution nih statehood a pek hna lo nain cozah an rak doh peng caah 1951 ah statehood an rak pek than hna.
No comments:
Post a Comment