Falam Pawng Airport Saknak Caah Cozah Nih Budget A Suai Cang: Falam pawng Surbung tlang ah Airport sak ding in cozah nih Kyat 100 million($100,000) pek an timh i Hlutdaw ah ceihmai a si te lai tiah Salai Ceu Bik Thawng nih a facebook ah a tial. Hi budget cu vanlawng tlaknak ding a hmunhma remhnak ca deuh ah hman a si lai. Surbung tlang ah Airport tuah ding hi 2013 ah an rak ceih cang nain a relrem lo nak tete a um caah tutiang an thawk rih lo nak a si. Surbung tlang hi nikum dongh lei ah khan Falam lei nih an mah private JCB hmang in an a hmunhma zong an rak cawh cang ti a si. Tutan budget pek ding ah hin Hakha zongah College pahnih sak ding in timh a si ve.
Chin Mino Tampi Nih Pu Hung Ngai Biachah An Cohlang Lo: Vailamtung phur loin a pawng tlang ah Pura(pagoda) sak ve ding ah Pu Hung Ngai le a cabinet hna nih bia an chah mi cu facebook chung kan Lai mino lak zongah a lin sa ngai. Hi thawngpang hi mi tam ngai nih an mah le facebook timeline cio ah an thlah hlei ah facebook group tampi zongah ceih ngai mi thawngpang a si. Kan Laimi lakah kan bochan ngai mi Salai Lairamthang zong nih 'Kan fing le kan tlang cungin Buddhist pawl nih Loud Speaker in chun ni tlak, zan khuadei, Buddhist phung a chim lai ding ka ruah ah atu tein ka thin a lin cia' tiin a facebook ah a tial ve. Hi Pu Hung Ngai biachahmi hi HCMF (Hakha Christian Ministers Fellowship) zong nih a cohlang lo ti a si. Aluancia 2012 ah khan hi hmunhma ah pura sak an rak timh nain kakip Chinmi nih duhlonak langhter a si caah an ngol than mi a si.
IS Nih Japan Pakhat An Thah Rih:IS nih Japan pa Haruna Yukawa an thah hnu zarhkhat dan ah a dang Japan Journalist pa Kenji Koto an thahnak video an thlah rih. Hihna pahnih an thah hna hlan ah IS nih Japan cozah kha $200 million in rak tlanh ding in a hal hna nain Japan lei nih an pek ve lo hnu ah an thah beh hna. BBC.
No comments:
Post a Comment