Hngawng Tan Hmang IS Terrorist Pa An Theih Khawh Cang: IS terrorist pawl nih ramdang mi an thah hna ah hawng a tan tawn tu 'Jihadi John' tiin theihmi pa cu Kuwait ram chuak London ah a rak um bal mi Mohamed Emwazi a si tiin British palik nih an fehter cang tiah BBC nih a tial.
Mohamed Emwazi hi 1988, Kuwait ram ah a chuak i 1994 ah UK ah an rak i thial. Westminster University in computing degree a ngah mi a si. 2013 ah a tlau i IS ralhrang sinah a lut. A nih hi ISIL nih an tlaihmi hna an hawng a tan hna ah nitlak lei hruaitu pawl cu mirang holh dik te he a hro chih tawn hna.
Obama Cungah Israel Prime Minister A Lung Fak Chin Leng Mang: Iran nuclear hriam chiahter ding kongah US nih Iran a chonh ning hi Israel a lung a tling hrim ti lo, Israel Prime Minister Natanyahu nih 'US le a dang ram pawl nih Iran nuclear chiahter an timh mi an ngol cang' tiin Israel ram a biachimnak ah a phuan tiin BBC nih a tial.
Iran nih nuclear hriam ser nak ah a biapi bik mi Uranium chuahnak centrifuge tampi a ngei. Hi Uranium hna hi nuclear hriamnam sernak caah hman ka timh lo, si-ai test nak le mei chuahternak caah hman ka timh a ti leng mang nain hi Uranium ngeih hnu ah cun nuclear hriam ser a awl ngai caah nuclear hriam ah a ser sual lai ti an phang cio.
Iran nih nuclear hriam a tlaih ah cun vawleicung map in Israel a tlau kho mi a si caah Israel nih cun a nemnak in si loin a hrang nak in US nih chonh seh ti a duh,nain, Obama nih cun a nemnak lawng in a kal pi. Israel nih cun Iran nuclear tuahnak hmunhma tiang kah a duh mi a si.
March 3, Congress ah Natanyahu biachim ding a si nain Obama,Joe Biden le Democrats tampi nih kan tong lai lo an ti cang.
Kawlram Pegu Ah Ramdangmi Spain Pa Fak Ngai In An Velh: Kan hnu Feb 23 ah khan kawlram a rak tlawng lio mi Spain pa Carlos cu Pegu ram then Badagon khua ah bike ai cit lio ah an velh i hma fak ngai in a hmu tiah Irrawaddy nih a tial.
Carlos cu kawlram palik nih Rangon General Hospital ah an chiah nain a hma a fak ngai caah Thailand ah an kal pi than ti a si. Hiti a velhtu hi a ho set dah a si timi an thei kho rih lo, an tlai khawh hna ah cun kum 10 tiang thawng thlak khawh an si lai.
Hibantuk in kan hnu 2011, Mandalay ramthen zongah Japan nu an rak tlaih hrem i an rak thah beh bal cang.
*** Atang i caw-ngia hmanthlak na click ah kei phaisa ka ngah ve, voikhat tal ka click piak ve hram!
No comments:
Post a Comment