Copenhagen Ah Mi Thahnak Nih Denmark A Hninh: Nizaan zarhteni ah khan Denmark khualipi Copenhagen ah an tuah mi 'free-speech debate' cu hriamtlai pakhat(muslim) nih a kah hna i minung pakhat nunnak a liam hlei ah tuni zarhpini zingah Jews pawl an biakinn(synagogue) zongah cu pa thiam thiam nih Jews mi pakhat a thah rih i a mah zong Denmark palik nih an thah ve.
Hi thawngpang nih Denmark lawng si loin Europe ram vialte cu a hninh dih. Newspaper front-page kip ah an tial. Hiti Jews mi an thah hna hi Israel Prime Minister Natanyahu zong nih a celh ve rua lo,'Israel ah rak tlung than ko uh' ati ve hna. Denmark Prime Minister Thorning-Schmidt nih 'Denmark Jews miphun himnak caah kan si khawh chung in tuan vo kan lak lai' a ti ve. BBC,The Independent
IS ralhrang Nih Khrifa A Tomtom In An Thah Hna: Libya ram khualipi Tripoli pawng beach pakhat ah IS ralhrang pawl nih Egypt khrifa 21 an thahnak hna video cu tuni zarhpini ah an thlah. Hi Egypt mi 21 hna hi Libya ram ah rian tuan a hlawhfa mi an si i kan hnu thla ah khan an tlaih hna.
Hi video ah cun IS ralhrang pakhat cio nih an thah dingmi pakhat cio an ni tlaih i beach an phak ah an khup an bil ter hna i nam in pakhat hnu pakhat an hawng an tan dih hna.
IS ralhrang pawl hi Syria le Iraq deuh lawng ah hmuh an si nain a tu Libya tiangah hiti an tawng-cian ning zoh tikah Libya pawng a si mi Italy zong a him ti rua lo. IS lei nih Italy khualipi Rome zong Allah nawl peknak in kan rak lak colh lai an ti. Libya ram Italy embassy zong an khar cang ti a si. The New York Times,Press TV,Mirror
No comments:
Post a Comment