Tukum Kalay Lai Sianghngakchia Excursion Cu Phundang Ngai A Si: Kalay Lai sianghleiruun kai hna nih kumkhat voikhat tuah tawn mi excursion cu tukum an tuah than cang, minung 42 long an si i kumdang ah kepchih tawn mi "Freshers' Welcome" zong sianghngakchia thar a kal kho an tam lo caah an tuah kho lo ti a si.
Kumdang cu a lang in hmunhma a naih deuhnak ah kal a si i sianghnakchia a za za in kal a si tawn nain tukum cu zaan thum le nihnih bak te tuah a si hlei ah minung 42 long an kal kho ti a si. Tutan an kal ah 'Freshers' Welcome an tuah kho lo caah zeitikdah freshers' welcome an tuah than lai ti cu EC nih a ceih te lai tiah tutan excursion a kal ve mi Van Bawi Mang nih catialtu sinah a chim.
Tutan excursion an kal hi Kalay in ninga ni zaan lei 3:30 pm ah an ni thawh i Mandalay le Pin-oo-lwin ah nihnih le zan khat caan an hman hnu in zarhpini zaanlei 4pm ah Kalay lei an rak tlung than. An cam chungah Mandalay Lai sianhngakchia bu he i hawikomhnak zong an ngei i Monwya um Lai sianghngakchia bu he zong hawikawmhnak an ngei lai tiah Kep Chin Thang Mualhlun facebook ah a tial.
US Unau Pahnih Taklawng Hmanthlak Ruangah Tlaih An Si: US unau pahnih cu Cambodia ram um budhist temple Angkor Wat ah taklawng in hman an ni thlak caah Cambodia palik nih an tlaih hna i Thailand ah an thawl cang hna tiah Daily news nih a tial. Hi ruangah $250 an liam ter hna hlei ah kum li chung Cambodia ah lut khawh ti lo ding in visa an phih hna ti a si.
Hi hna nu pahnih Linsey Adams,22 le Leslie,20 hi unau an si i US ram Arizona state in a ra mi an si. Hi temple ah hin French tourist pathum zong hibantuk taklawng hmanthlak ruangah an tlaih bal cang hna ti a si.
No comments:
Post a Comment