Thawngpang Bultan

Cozah Le Sianghnakchia Kar A Linsa Chin Leng Mang: Kawlram fimcawnnak lei upadi duh lo ruangah lam a zawhmi sianghngakchia le cozah kar i chonh nak(four-party talks) Feb 12 hnu lei an thawn hnu in tuni Feb 6 ah an duhlo langhternak a zual chin. Mandalay in Rangon tiang ke in lam a rak zawh mi zong an thawng chin chin, khuate an phaknak kip ah hlunghlai ngai in mipi nih an don hna tiah Irrawaddy nih a tial.

Kawlram ka kip sianghnakchia vialte Rangon ah i ton hnu in duhlonak langhter rih an timh i kakip sianghnakchia Rangon lei an rak panh lio a si. Phungki tampi zong nih an tel pi ve hna. Cozah lei an lung hring ngai, buu pakhat khat nih an forh hna i rampi him lo ding in tuah an timh tiin an puh hna. Hibantuk buainak ruangah minung tamtuk nunnak a rak liam mi a luancia tuanbia zong tuaktan ding in Cozah nih a theihter hna.Hi fimcawnnak upadi nih Students' Union tibantuk ser a onh lo hlei ah University nawlngeihnak(autonomy) a pek mi a tlawm tuk ti a si. 

Union Day Ah Nationwide Ceasefire Minthut A Si Kho Ti Lo: Feb 5 , Chaingmai ah U Aung Min hruaimi Union Peace-making Working Committee(UPWC) le tlangcung hriamtlai phu ai-awhtu Nationwide Ceasefire Coordinating Team(NCCT) phu an ni tong, zeihnatlaknak hmanh an ngah lo caah Union Day ah minthut ding tiah President Thein Sein nih a rak au leng mang mi cu a si kho ti lo. Thursday meeting ah cun UNFC nih a chuahpi mi federal system kong ceih a si nain zei hnatlaknak hmanh a um lo hlei ah zeitikdah i ton than ding timi zong biachahnak a um lo tiah NCCT chungtel a si mi Nai Hong Sar nih Irrawaddy ah a chim. 


US Ah Rian(jobs) A Karh Chin: Kan hnu January thla chungah US nih 257,000 rian a ser khawh. Aluancia thla 11 chungah thlakhat ah rian 200,000 cung leng mang a ser khawh i hihi 1994 hnu in US nih rian a ser tam bik a si. Kan hnu thla thum chung ah rian a ser mi hi buatlak in thlakhat ah 336,000 leng mang a ser khawh. Atu US unemployment rate(US mipi rian ngei lo zat) hi 5.7% a si i hihi 2008 recession hnu in a niam/a tha bik a si.Hiti rian tampi a ser khawh hi US a thanchonak thazang pakhat a si.BBC.