Thawngpang Bultan(Feb 19)

Hakha Khuangcawi Cu Thein Sein Nih Lai Inn Thingthang In A Zoh Lai: Feb 20, Hakha khua ah tuah ding mi Chin National Day ah kawlram President Thein Sein nih Vomthu Maung celhhmun ah an sak thar mi Lai inn thingthang in khuangcawi a zoh lai tiah The Hakha Post nih a tial. 

President Thein Sein hi thaizing Feb 20 zing lei ah Hakha a rak phan te lai ti a si. 

Thein Sein Nih Puan Zuun 2,000 Laksawng Hakha Tar A Rak Phorh Hna Lai: Tutan Hakha CND khuallian caah President a rak tlun tikah Hakha um tar nu tar pa caah tiin puan zuun 2,000 a rak phorh hna lai tiah The Hakha Post nih a tial. Ralkap lutlai zong nih computer 180 leng an rak phorh ve hna lai ti a si. 

Tutan Hakha CND Paih Thawngbik Cu Kumvui Ah US Nih An Cah Lai: Tutan Hakha CND ah tuah ding mi Lai paih ah a thawngbik laksawng a ngah tu cu hmaikum CND tikah US lei nih an rak cah lai i a vanlawng ticket man le a dang a dih mi vialte zong liam piak dih a si lai tiah tutan Hakha paih tlangtla tu Pu Khin Maung Win nih The Hakha Post ah a chim. 

Tutan Hakha paihnak ah laksawng pek ding zong US Indiana paih tlangtla tu nih tingthum an kuat cang hna ti a si.Hakha CND paih cu tuni Feb 19 in an thawk cang ti a si.  

Hakha Hotel Vialte An Khat Dih Cang: Chin National Day nithum ai duh ah Hakha hotel vialte cu hmun dang dang in a rak tlung mi khual le media pawl nih fuh a si i an khat dih cang caah cheukhat cu riahnak an ting ti lo i an hawi le sin a riak mi zong an um tiah The Hakha Post nih a tial. Cheukhat hotel cu riahman zong an kai ti a si. 

Quote Of The Day:Feb 20 ah tuah lomi CND puai cu zeitik hmanh ah kal kai tim lo. Ka kal lo ruang ah ahohmanh an zei a poi lai lo nain ka zei a poi ve lo reng..
(Feb 20 ah CND an tuah ko buin a puai hlan i pumpululh chuih le paih zuamnak pawl khi ka chim duhmi a si lo. A CND bak khi a si.)  By Van C Mang (Faiceu Editor Hlun)