CNF nih Falam Zongah Sipuazi Zung An Hon Cang: Cozah he kahdaih hnatlaknak ah ai tel bantuk in CNF nih sipuazi zung cu nizaan Feb 17, Falam khua ah an hon cang tiah Khonumthung News nih a tial. Hi zung honnak ah CNF President hlun Dr. Za Hlei Thang telh in CNF lei le cozah lei nawl ngeitu minung 50 an kai kho ti a si.
CNF nih sipuazi zung hi Paletwas,Mindat le Rih khua tibantuk hna ah an hon cang i a tu Falam zung he cun sipuazi zung pa 4 an ngei cang ti nak a si.
Ukraine Kongah US Nih Russia Ralrin A Pek: Kan hnu zarh ah Minsk agreement timi kahdaih hnatlaknak cu Ukraine cozah le hriamtlai phu nih min an rak thut nain Debaltseve khua ah i kahnak a zual chin i tu cu hriam tlai pawl nih mah khua chung tam deuh cu kan kut tang a um cang an ti cang.Cuhlei ah,Russia President Putin nih mah khua hi chuahtak dingah Ukraine cozah a hal hna caah US nih Russia ralrin a pek.
US Vice-President Joe Biden nih 'Russia nih Minsk hnatlaknak a buar rih ah cun a zun ding mi a fak chin lai' tiin Russia ralrin a pek. Hi Ukraine ral ruangah minung 5,400 leng an thi cang. BBC
Dallas CND Cu Feb 21 Ah An Tuah Ve Lai: A voi 67nak Chin National Day cu aralaimi Feb 21 ah US ram Dallas khua ah CYO hruainak in tuah an timh tiin thawng kan theih.
Hi Dallas CND ah hlasak zuamnak,lengdawh zuamnak, capar le biazai zuamnak,lam le paih, biatawi chimnak le fashion tuahnak hna a um lai tiah Salai Thang Ci sin in theih a si. Biatawi chim dingah Buhmu Thawng Za Lian sawm a si.CND hi ramthum a phan mi tam deuh nih cun Feb 20 theng ah hman a um lem lo, i relrem deuh caan ah hman a si theu!
India Prime Minister Modi Suit Angki $190,000 in Cawk an Ngamh Cang: India lawng si loin vawlei pumpi zongah 2014 India general election teinak a ngah hnu in a hung lar ngai mi Prime Minister Narendra Modi suit angki cu zuar a si i India mirum Rajesh Juneja nih $190,000 bak in cawk ai timh cang ti a si.
Hi suit angki hi Obama India a rak tlawn lio ah Modi nih hman ai thlak pi nak zong a si. Mirum Pa Rajesh Juneja nih 'Hi angki hi modi a hmanthlak pawngah ka chiah lai i ni fatin thazang ngah nak ding ah bia ka ruah lai' lai tiah BBC ah a chim.
No comments:
Post a Comment