US Nih Ukraine Ramri Ah Russia Tanks A Zoh Sawh Kho Ti Rua Lo: 'US nih daihnak he a phi kawl a duh,nain Russia tanks Ukraine ramri an tan ah kan mit i chinh khawh a si lo' tiah US secretary of states John Kerry nih Feb 5 ah Ukraine Prime Minister Arseniy Yatsenyuk an ni ton lio ah a chim. Ukraine hriamnam in bawmh le bawmh lo cu tlawmpal ah Obama nih bia a chah te lai a ti.
Ukraine buainak hi nikum April in ai thawk i tutiang ah minung 5,350 leng an thi cang ti a si.Hi buainak a chuahpi tu separatist pawl hi Russia nih a bawmh hna caah US le EU hna nih Russia cung sanction an tuah i Russia sipuazi zong a tla ngai. Radio Free Europe
Kawl&Rakhine Nationalist Nih Parliament Biachah An Cohlang Lo: Kan hnu Feb. 2 ah kawlram parliament nih white card(Rohingya bantuk) a tlaihmi zong phunghram remh referendum ah vote an thlak kho ve lai tiah bia an chah, hihi Rakhine mipi le kawl nationalist tampi nih an cohlang lo i duhlonak zong an langhter kho tiah Reuters nih a tial.
'Hi kongah Parliament nih bia a chah cang zong ah ANP(Arakan National Party) cu white card a tlaih mi(Rohingya) pawl vote thlaknak nawl an phih than hna hlan lo kan doh peng lai' tiah ANP nih cathluan an chuah ve. Rohingya pawl hi 2008 constitution caah refrendum an tuah lio le 2008 election ah vote thlaknak nawl pek an rak si lo.
No comments:
Post a Comment