2015 Chin National Day caah Lai paih zuamnak cu US ram Indianapolis Feb 14 ah tuah a si i Zephai khuami Mang Cung Lian nih pathawng Kap Tawng a tei hnu in bual a co. Bualco tu hi $4,000 laksawng pek a si. Zuam cawh paihnak ah Khuabung khuami Van Maung nih bual a co ve ti a si.
Tutan Lai paih cu ramdang le US state dang um mi caah LIVE in zoh man a fah tuk caah zoh a har ngai,micheu nih cun 'nan ti tuk lawmmam' a ti mi zong an um len. A hmun ah azoh tu nih mobile in an thlak mi video tete Facebook ah an thlah cio hnu lawng ah zoh khawh cio a si. Tutan Lai paih kong cu facebook hmang mi Lai mino lak zongah ceih ngai mi a hung si ve.
Salai Mang Cung Lian a pa hi Zephai khuami tleicia Mang Hram a si, a nu hi Hniar Lawn khuami a si i tuhi US ah an um. Salai Mang Cung Lian hi a nu umnak Hniar Lawn deuh ah a thangmi a si caah Hniar Lawn khua mi a si tin a ruat palh mi zong an um len.
Lai paih hi Hakha peng deuh nih bual co a si tawn nain tutan cu Zophei peng nih bualco a si tikah Zophei mi an ni lawmh khun ti a si. Hi kong he pehtlaih in Pu Al Bik Lian nih'Tutan Lai paih cu Zophei nih ro kan ling' tiin ai lawmhnak Zophei Family Network group ah a tial ve.
No comments:
Post a Comment