Hakha ah kum tin tuah tawnmi Valentine’s Day cu Pyidawtha sang mino nih tuanvo laak in February14, zing 7:00 in zan 10:00 tiang Carson Hall ah hlunghlai ngai in tuah an i tim tiah The Hakha Post nih a tial.
Valentine’s Day ni lakphak le lehphettoh dineinak caah ticket le Valentine’s Day T-shirt an zuar. Minung pahnih caah ticket pakhat Ks.1000 a si i T-Shirt pakhat ah Ks. 5000 a si. Ticket a caw rih lomi zong aho paoh i tel khawh a si lai. Zing lei ah puri le lakphak zong a um lai i lakphak changreu le letphettoh timh tuahpiak a si tiah thawng theih a si.
“Zan 7:00 ah karaoke in hlasaknak a um lai i a rami chung in a duhmi paoh nih hla zong sak khawh a si lai. Cun vantha kawp mefung zuhnak a um lai i Valentine’s Day T-Shirt pahnih laksawng ah pek an si lai” tiah Valentine’s Day tuahnak ah hruaitu Pyidawtha sang mino Chairman Siang Tha Hu nih a chim. Kum dang tuah tawn ning cun a tlawm lei ah minung 2,000 tal an i tel kho lai tiah tawlreltu hna nih ruahchannak an ngei ti a si.
No comments:
Post a Comment