Phur Rak Timhmi Hakha Vailamtung Pawngah Phungki Inn Sak An Timh: Hakha um hlawhtling thlacamnak tlang vailamtung kong ah Hakha biaknak lei phu a si mi Hakha Christian Ministers Fellowship(HCMF) nih kan hnu Feb 16 ah khan Chinram cozah an ton hna i 'vailamtung le pura dirti ding kan duh lo' an ti hnu ah Pu Hung Ngai nih 'Pura sak kan timh lo, phungki inn le palik sianginn sak tu kan timh' tiin a leh hna tiah The Chinland Post nih a tial.
Phungki inn le palik sianginn sak an timh nak tlang cu hlawhtling thlacamnak tlang nak in a sang deuh mi 'pura' tiin acung lei hmanthlak cungah a lang mi khi a si. Hlawhtling thlacamnak tlang vailamtung hi kan hnu thla ah khan Pu Hung Ngai nih phur ding nawl a rak pek hna nain Hakha mipi nih an duh lo caah an phur than lo.
US Nih Israel A Mawtchiat Hoi: Iran nuclear hriam chiahter ding US nih ai zuam cuahmah lio ah Israel nih a dik lomi bia (information) hmang in US a dirhmun(Iran he i chonhnak ah) a mah duhning poah in a phuang leng mang tiin White House nih Israel a mawtchiat tiah The Telegraph nih a tial.
Iran hi Obama nih a nemnak le chonhbiaknak in a nuclear hriam chiahter ai timh nain Obama kal pi ning hi Israel nih cun a duh bak lo, Israel le US Republican nih cun a cian-ni in chiah ter an duh. Israel nih cun Iran nuclear chiahnak hmunhma tiang kah a duh.
Hiti Israel le Obama policy ai kalh ruangah hin hmaithla Marh 3 ah Israel Prime Minister Natanyahu US a rat tik zongah Obama le Joe Biden nih kan tong lai lo an ti cang.
US nih Mawnghtu Ngei Lo Raltuknak Vanlawng Ramdang A Zuar Cang Lai: China nih mawnghtu ngei lo a vanlawng ram 9 ah a zuar ti thawng a leng hnu in US ram ah sermi mawnghtu ngei lo raltuk nak vanlawng zong US hawitha a si mi ram UK bantuk ah an zuar ve cang lai tiin US nawlngeitu nih an chim cang tiah BBC nih a tial.
Hi vanlawng hi khawika ram hna ah dah an zuar lai ti cu an chim rih lo nain Turkey le Italy ram ah an zuar kho ti a si. Ram pakhat khat nih hi vanlawng a cawk duh ah cun US nih a khiah piakmi zulphung a hnatlak a hau i zeitindah hi vanlawng an hman timi zong US nih a zohfel lai ti a si.
No comments:
Post a Comment