Thlachiat Ruat Loin Kan Phomh Tak Cang Lai: Hi bia hi North Korea nih US a thih phaihnak a si,tuni Feb 28 ah US le South Korea kum fatin an tuah tawn mi training an thawk i North Korea a thin hung chin leng mang caah hiti a chim mi a si tiah Yahoo News nih a tial.
Hiti US le South Korea ralkap training an tuah poah ah North Korea cu a zia a chuak leng mang ko. North Korea uktu nih an tlaihmi thawngzamh ca Rodong Sinmun nih 'US nih a ram a him ko tiin a ruah ah cun a palh cikcek' a ti.
North Korea nih mah kum fatin an tuah mi US le S. Korea ralkap training ngol dingah a hal leng mang hna, nan ngol ah cun nuclear ka test ti lai lo a rak ti nain US nih an cohlang ve lo.
Mandalay University Nih BBC Journalist Lecture Pek An Onh Lo: Kan hnu Feb 24 zan lei 3 pm ah BBC Journalist Larry Jagan cu Mandalay University campus chung um Inwa Hall ah lecture pek ding a si nain zan lei 2pm ah an rector pa nih a hnon piak than tiah Myanmar Times nih a tial.
Larry Jagan nih hi lecture ah kawlram phunghram remnak, election, a ralaimi president thar le tlangcungmi he daihnak sernak kong hna chim ai timh ti a si.
Hiti a lecture an hnon nak a ruang zong zeihmanh theihter a si lo caah Mandalay University a mui a chiatter ngai an ti cio.
Pakio Nih Weather He An I Thuatnak Hmun Ah Thlah Ding Hla Ai Phuah Cia: Pathian zong ai bochan ngai mi Pakio cu Aralaimi May 2 ah Floyd Weather he an i thuatnak hmun a rak luh lio ah thlah piak ding hla cu a mah tein ai sak i a aw zong ai khumh cang tiah Daily News nih a tial.
A hla tlangtar cu 'Philipine caah kai thongh lai' timi a si i hi hla zong hi amah le a hawipa nih an tial mi a si ti a si.
Russia President Putin A Ral A Si Mi Politician Pakhat An Thah: Russia President hlun Yeltsin chan ah Deputy Prime Minister tiang a rak tuan bal nain Putin president a hung si hnu ah Putin ral ah aa chuah than mi Mr Nemtsov cu tuni Feb 27 ah khan a ho set a si ti theih lomi nih meithal in voi li a kah i a thi tiah BBC nih a tial.
Mah pa hi Ukraine kongah Mr. Putin he an ruahnak ai kalh ngai ti a si. Ukraine ram chung ral a thawh mi kong zongah Mr. Putin sual a puh leng mang tu a si.
Kan hnu lei interview an tuahnak pakhat ah 'Ukraine kong ka dirhmun ruangah Mr. Putin nih a ka thah kho men' tiin a rak chim cang.
President Obama zong nih mah pa a thattu felfai tein kherhlai dingah a hal ve hna ti a si.
*** Atang i caw-ngia hmanthlak na click ah kei phaisa ka ngah ve, voikhat tal ka click piak ve hram!
Naa paak ning le na ca ttial mi cung ah kan upat. Ka lawm fawn. Rakkan zuam piak chin lengmang ko sawh rih. Kan click piak ve lengmang ko hih.
ReplyDelete