US Upadi Nih Nudawk Padawk Caah Zuunput Duhthimnak A Onh Lai Lo: Hi upadi thar hi Florida state ah hman ding in khrifa upadi sertu Frank Artiles (Republican MP) a chuahpi i fehter a si rih lo.
Hi upadi an fehter ah cun minung pakhat a nu paw chung in a chuah ah nu a si ah cun nu zuunput lawng ah kal ding,pa sinak in a chuah ah cun pa zuunput lawngah kal ding a si lai. Nu lungthin a ngeimi(gay) nih nu zuunput a kal sual or pa lungput a ngeimi nu nih pa zuunput a kal sual ah cun dantat khawh a si lai ti a si.The Guardian
Kawlram Nih Rohingya Citizenship Peknak A Ngol: Nikum thawk in kawlram cozah nih Rakhine ram um Muslim pawl Bengali ka si tiah a cohlang mi 40 cu kawlram citizenship a pek hna,200 zong temporary citizenship a pek hnu in hi citizenship peknak an ngol cang tiah VOA nih a tial. Tutan citizenship peknak hi 1982 upadi ning in tuah a si. Kawlram cozah nih Bengali timi cu a cohlang nain Rohingya timi bel cu kawlram chungah a um bal lomi miphun min a si a ti caah Bengali tiin a cohlang mi lawng citizenship a pek hna nak a si.
Rakhine ram ah hin Rohingya ai timi Muslim le Rakhine mi kar ah buainak a chuak leng mang i 2012 hnu in minung 240 leng an thi cang ti a si.
US Ah ISIS Terrorist A Bawmtu An Tlaih Hna: US ram Missouri, Illinois le New York ah a um mi Bosnian refugee paruk cu ISIS ralhrang hna caah phaisa, hriamnam le US ralkap uniform cu Syria le Iraq ah an kuat hna tiin Department of Justice nih a phuan. Hi paruk chungah pa 5 cu an tlaih cang hna nain ramdang ummi pakhat hi cu an tlai kho rih lo.
An mah paruk nih US in a herhmi hriamnam an cawk hnu in Turkey or Saudi Arabia ah an kuat, cuhnu cun ISIS ralhrang pawl um nak Syria le Iraq ah an kuat than hna ti a si. Mah phu nih hin a luancia kumhnih chungah US dollar tam tuk te ISIS an bawmh cang ti a si.BBC,Daily Mail,The Guardian
No comments:
Post a Comment