Laiza ah CNA a Thi Mi le Hliamtuar Mi Bulhnak Caah Kyat Ting 795 A Chuak:
Ram kip um Chinmi hna nih kan hnu November thla Laiza khua ah kawl ralkap kahnak in a thi mi le hliam a tuar mi bulhnak caah tiin pek mi a dih lak kyat ting 795 ($77,072) a chuak i 70% hi a thimi John Biak Tin Lian le Ram Hngak caah pek a si lai tiah The Chinland Post nih a tial.
Hi 70% a cheu a si mi Kyat ting 245 cu CNF hruaitu nih tuchun Feb 21 ah John Biak Tin Lian a nu le a pa sin an pek cang hna,Ram Hngak chungkhar zong March 26 ah hi zat thiam thiam an pek ve hna lai. Atangmi 30% cu hliam a tuarmi pek a si lai ti a si.
Hi ralruangah hin kawl ralkap lei 50 leng an thi cang, Kokang lei 18 leng an thi ve cang ti a si.
Kokang ram hi 1989 tiang China cozah nih a bawmh mi Communist Party of Burma (CPB) tangah a rak um i 1989 ah kahdaihnak min an rak thut hnu in Phone Kya Shin nih a hruai than. 2009 ah khan kawl ralkap nih Phone Kya Sin le a hriamtlai cu bing an cin an ti caah an rak thawl hna. Phone Kya Shin cu China ram ah kum 6 a va um hnu ah kan hnu Feb 9 ah khan a rak kir i Kokang ram lak than a timh nak kha a si.
US University Pakhat nih Kawlram A Chuah Tak Than: US University minthang a si mi John Hopkins University cu kan hnu kum 2013 ah khan kawlram chung a lut i Rangon University ah 'International Relation' le 'Politics' diploma course cawn khawhnak zong a pek i mi tam ngai nih an duh ngai nain cozah lei policy an thlen ruangah tukum thawk in an program an ngol than tiah VOA nih a tial.
Hi University hi kawlram a rak luh lio ah cun kawl cozah nih mah tein nawl ngeihnak ' full autonomy' a pek nain fimcawnnak lei Vuanci ai thleng caah hi 'full autonomy' hi vuanci thar nih a pe duh ti lo. Hihi an program an ngolnak a ruang bik a si ti a si.
No comments:
Post a Comment