Hakha si-inn ah mizaw zawtnak a phunphun zoh khawhnak CT(Computed Tomography) scan cu tutan Chin Miphun Ni khawh hin cun hman khawh a si cang lai tiah tuanvo ngeitu sin in kan theih tiah The Hakha Post nih a tial.
"Tutan Chin Miphun Ni ah upa nih honnak an tuah lai i mah khawh hin cun hman khawh a si cang ko lai. A thilri a phan cang i atu hi kan bunh cuahmah. A thil hi a tha ngaingaimi a si. Cozah nih pekmi a si. Yangon, Mandalay, Monyua, Taungkyi le Myitkyina tibantuk lawng ah a ummi a si", tiah Hakha si-inn uk nih Hakha Post ah February 10 ah a chim.
"CT scan zawt zohnak hi hlan ahcun Mandalay le Yangon ah kal i phaisa sing hnih sing thum dih in i thlak tawnmi a rak si. Kalaymyo zong ah a um lomi a si caah Chin ramkulh mi kan van a tha ngaingai" tiah Hakha upa pakhat nih a chim.
No comments:
Post a Comment