China President Xi Jinping nih Washington a tlawng lai tiah ABC News nih tuni Monday ah a tial. A tlawnnak ding nithla cu khiah a si rih lo.Xi Jinping nih a tu US a tlawn ah cun amah president a si hnu in a voikhat tlawn nak(state visit) a si lai.
US le China hi Tibet kong le Asia kongah an ruahnak ai kalh ngai. China nih Tibet hruaitu Dalai Lama a tong mi poah a ral ah a ser hna, cucaah ram tampi nih human rights an tanhpi tuk ko nain Dalai Lama hi China he i pehtlaihnak a rawk sual lai ti an phan ruangah an tong duh lo,an hrial leng mang mi a si. Dalai Lama hi Tibet luatnak ngah dingah ai zuam mi a si i India ramah refugee in a um ve. Amah ruangah hi India le China an ni rem lo ngai te. Kan hnu Feb 5 , Washington Dalai Lama thlacam nak ah US President Obama a kai ve mi hmanh kha China a thin hung colh, pumpak in a ton lo caah ai zia deuh a ti than.
US nih Asia ram lakah China ral ngan bik a si mi Japan hi a bawmh ngai ve. Japan le China hi Senkaku Island ruagah an ni phomh hnik leng mang. Hiti an ni en poah ah US nih Japan lei a tang ve. China hi Asia ram ah Japan lawng a ral a si lo, Philippine le Vietnam zong an si rih thiam. Vietnam hi cu Communist a si ve hlei ah China kuttang a rak um peng mi a si caah US nih a zangfak lem lai lo nain Japan le Philippine hi cu a dawt ngai ko hna in a lang.
Tutan Xi Jinping an sawm mi hi Japan a thin hung sual lai ti an phang rua. Japan Prime Minister Shinzo Abe zong US tlawn ding in an sawm ve ti a si,balance a tuah thiam ngai kan ti lai cu!. ABC News, BBC, International Business Times, The Washington Post.
No comments:
Post a Comment